ЫСТАМБҰЛ ҚАЛАСЫНЫҢ БАКЫРКОЙ АУДАНДЫҚ СОТЫНЫҢ ТӨРАҒАСЫ ҚАЗҰУ-ҒА КЕЛДІ

21 шілде, 2023

Құрметті қонақты қарсы алған ҚазҰУ басшылығы университеттің тарихын, қызметі мен жетістіктері туралы ақпарат беріп, арнайы кампус-тур ұйымдастырды.

Барыш Думан ҚазҰУ музейін, заң факультетін, Жағдаяттық басқару орталығының жұмысымен танысып, Инженерлік және жоғары технологиялар кластерін, Процестік инновациялар орталығы мен Әл-Фараби кітапханасын аралады.

Кездесу барысында Түркиядан арнайы келген қонақ университет басшылығы мен қызметкерлеріне ҚазҰУ-дың қызметі жайында толық ақпарат бергені үшін ризашылығын білдірді. Өз сөзінде Ыстамбұл қаласының Бакыркой аудандық сотының төрағасы Барыш Думан екі елдің ЖОО-лары арасында тығыз қатынастар орнатып, арнайы семинарлар мен бірлескен жобаларды іске асыру арқылы білім және ғылым саласының дамуына айтарлықтай үлес қосуға болатынын айтты.

Бүгінде Әл-Фараби атындағы ҚазҰУ Түркияның 20-дан астам жоғары оқу орнымен серіктестік орнатып, соңғы екі жыл ішінде академиялық ұтқырлық бағдарламасы бойынша 200 студент пен 100-ден астам оқытушы білім мен ғылымға қатысты шараларға қатысып, бірлескен ғылыми-зерттеу жұмыстарын жүзеге асырды. Айта кетерлігі, былтыр Түркияның Ыстамбұл қаласында ҚазҰУ филиалы ашылды.

Басқа жаңалықтар

8 қараша, 2024

Әл-Фараби атындағы ҚазҰУ музейінде ESRI бас директорының Таяу Шығыс, Африка және Орталық Азия өңірлері бойынша орынбасары Ричард Бадден және ESRI компаниясының және ҚР Цифрлық даму, инновациялар және аэроғарыш өнеркәсібі министрлігінің өкілдеріне экскурсия жүргізілді.

Толығырақ
7 қараша, 2024

Біріккен Араб Әмірліктеріндегі Әл-Қасимия университетінің ректоры Ауад әл-Халаф бастаған делегация университет музейін тамашалап, жүргізілген экскурсияға ризашылығын білдірді.

Толығырақ
1 қараша, 2024

ҚазҰУ журналистика факультетінің «ЮНЕСКО және коммуникация» кафедрасының оқытушысы, ф.ғ.к М.Т.Мұқашеваның жетекшілігімен «Халықаралық журналистика» мамандығы 1 курс студенттері музей экскурсияларын тамашалады

Толығырақ