ТДМ-3: Тегін талондар таратылды

«Дені сау ұрпақ – ел келешегі» екенін ескерсек, жастардың дұрыс тамақтануы олардың денсаулығына тікелей әсер етері анық. Осы орайда университет тарапынан қыркүйек айына ҚазҰУ студенттеріне 200 тегін тамақтану талондары таратылды. Талондар аз қамтылған отбасы балаларына, студенттік сенаттың ең белсенді студенттеріне берілді. Бұл (ТДМ 3) «Салауатты өмір салты» бағытын дамыту мақсатында жүзеге асып отыр. Әр ай сайын бұл игі іс жалғасын таба береді.