ТДМ-4: Студенттер театрға барды
![](/storage/news/2181739992651ea842e0a48630179658_р.jpg)
Әл-Фараби атындағы Қазақ ұлттық университеті, физика-техникалық факультетінің 1-2 курс студенттері қазанның 3-жұлдызында «Бернарда Альбаның үйі» қойылымына барды. Спектакль жастардың рухани-мәдени дамуына әсер етуші күш. Әр жастың жүрегіне ұмытылмас әсер қалдырары анық.
Туынды Бернарданың өз қыздарына моральдық озбырлығына қарсы бағытталған. Кенже қыз Адела билік пен тілек арасындағы қарама-қайшылықты ұсынатын автор идеясына тән «бүлікші» болады.
Заманның әр кезеңдерін бейней отырып, нақты оқиғалардан шабыт алатын және сол кездегі әдет-ғұрыптарды дәріптейтін үлкен сыни ойларға толы тың дүние.
Ар-намыс пен әлеуметтік нормалар озбырлығынан құтылғысы келетін Адела атты кейіпкердің бостандық пен өмірге деген құштарлығын тұншықтырушы ретінде, Бернарда кейпі шынайылықпен бейнеленді.
Университетіміздің Жастар ісі департаментінің ұйытқы болуымен қазан-қараша айларында екі ай үздіксіз барлық факультеттер куратор-эдвайзерлерімен бірге М.Әуезов атындағы драма театры мен Ғ.Мүсірепов атындағы балалар мен жасөспірімдер театрына бару жоспарланған. Бұл тек алғашқы бастамасы деуге болады.
Басқа жаңалықтар
![](/storage/news/369098753766683e9c9e05d798836881_60974b16-3ed1-44e5-9ce5-4de9975495f2.jpeg)
![](/storage/news/300166378366683bd7aa1d9263818838_e014f019-daa1-43f6-b9cf-4ff210b24b6f.jpeg)