Студенттердің Жамбыл облысы полиция департаменті бастығының орынбасары Рахметуллаев Нұржан Ермаханұлымен кездесуі

04 қазан 2023 жылы Ғазиз Байтасов атындағы аудиторияда әл-Фараби ҚазҰУ Заң факультетінің «Құқық қорғау қызметі» білім беру бағдарламасы студенттерінің Жамбыл облысы полиция департаменті бастығының орынбасары, полиция полковнигі Нұржан Эрмаханұлы Рахметуллаев мырзамен кездесуі өтті. Болашақ құқық қорғау органдары үшін бұл кездесу тек кәсіби бағдар беру іс-шарасы ғана емес, олардың жүректерінде Отанына және халқына деген шексіз сүйіспеншілік, кәсіби және қызметтік борыш пен офицерлік ар-намыс сезімдерін тудырған оқиға болды.

Нұржан Эрмаханұлы полицияға қызметке кіруді армандаған, өз мақсатына жетуге табандылықпен ұмтылған қарапайым ауыл жігіті Ғазиз Байтасовтың өмір жолы, оның көшбасшылық және кәсіби қасиеттері, әріптестері арасындағы беделі мен құрметі туралы және де қоғамдық қауіпсіздік пен тыныштықты сақтау мақсатында өз өмірін қиып көптеген адамдардың өмірін сақтап қалғандығы үшін қайтыс болғаннан кейін 2011 жылы желтоқсан айының 5 жұлдызында ерлік пен батылдықтың ең жоғарғы марапаты «Халық Қаһарманы» атағымен марапатталғаны туралы айтып өтті. Ғазиз Байтасов  әкесінің ісін жалғастыру үшін ұлдары да бітірген әл-Фараби атындағы ҚазҰУ Заң факультетінің түлегі болған.

Полковник Н.Э. Рахметуллаев мырза Ғазиз Байтасов пен  Бауыржан Момышұлының ерлігі арасындағы ұқсастықты жүргізіп, Бауыржан Момышұлы мен Ғазиз Байтасов сияқты тұлғалар жастар үшін патриотизмнің, Отанға деген сүйіспеншіліктің және өз халқына жанқиярлықпен қызмет етудің үлгісі болып табылатынын атап өтті. Фильмді көргеннен кейін студенттер өз әсерлерімен бөлісті, кездесу сұрақ-жауап форматына көшті. Студенттердің ішкі істер органдарында қызмет атқару, ішкі істер органдарының басқа құқық қорғау органдарымен өзара іс-қимылы, ІІМ-де жүргізіліп жатқан реформалар, трансұлттық және ұйымдасқан қылмысқа қарсы күрестегі халықаралық ынтымақтастық туралы мәселелері бойынша сұрақтары болды.

Бұл кездесу студенттерге батылдық сабағы, ішкі істер органдарындағы болашақ қызметке деген шабыт пен даналық көзі болғанына күмәніміз жоқ. Н.Э. Рахметуллаев мырзаға қызықты кездесу үшін алғыс білдіреміз!