ҚазҰУ мен Коломна университеті арасында шығармашылық жарыс өтті
Әл-Фараби атындағы ҚазҰУ-дың журналистика факультеті мен Коломна (РФ, Мәскеу облысы) мемлекеттік әлеуметтік-гуманитарлық университеті филология факультетінің студенттері арасында шығармашылық жарыс өтті. Бүгінде екі университет арасындағы ынтымақтастық тұрақты даму мақсатында белсенді түрде жалғасуда.
Ұйымдастырушылар атап өткендей, бұл жолы байқаудың тақырыбы – ақын Александр Пушкиннің шығармашылығына арналды. Студенттер Пушкиннің өмірбаяны, лицейде оқыған жылдары, лицейдегі достары, белгілі бір шығармалардың жазылу тарихы туралы сұрақтарға жауап берді. Шығармашылық батл нәтижесінде Әл-Фараби атындағы ҚазҰУ-дың журналистика факультетінің командасы жеңіске жетті.
– Біз Қазақстанның жетекші жоғары оқу орны – Әл-Фараби атындағы ҚазҰУ-нің журналистика факультетімен ынтымақтасуға қуаныштымыз. Бұл ортақ шаралар біздің ұжымдарды біріктіреді, филологтар мен журналистердің көптеген ұқсастықтары бар екенін көрсетеді – олар сөзбен жұмыс істейді, – деп атап өтті мемлекеттік әлеуметтік-гуманитарлық университетінің (ГСМУ) филология факультетінің деканы ф.ғ. к., доцент Татьяна Капырина.
– Баспа және электрондық БАҚ кафедрасы Коломна қаласының ГСМУ филология факультетімен бұрыннан белсенді жұмыс істеп келеді, біздің студенттеріміздің мақалалары «Компаративистика» жинақтарында жарияланады, жыл сайын бірлескен қызықты және танымдық іс-шаралар өткіземіз, – деп атап өтті баспасөз және электрондық БАҚ кафедрасының меңгерушісі п.ғ. д., профессор Гүлмира Сұлтанбаева.
Сондай-ақ, «Эйдос» театр үйірмесінің студенттері Оралға барған Александр Пушкин мен Владимир Даль атты сахналық қойылым көрсетті. Ақын Емельян Пугачев көтерілісі туралы материалдар жинап, көптеген қалаларды аралады. Оралда Пугачев көтерілісінің куәгерлерін тапты, олардың әңгімелері мен айғақтарын «Пугачев көтерілісінің тарихы» және «Капитанның қызы» атты екі шығармасында пайдаланды.
Әл-Фараби атындағы ҚазҰУ-дың Баспасөз қызметі
