ТДМ №13 «Климаттың өзгеруімен күресу»

2023 жылы қараша айының 9 жұлдызында “Бас Ботаникалық бақта” Әл - Фараби атындағы ҚазҰУ-нің "Кеден, қаржы және экологиялық құқық" кафедрасының ұйымдастыруымен “География және табиғатты пайдалану” факультетінің «Кадастр» мамандығының 3 курс студенттерімен бірге “Құрлық экожүйелерін ұтымды пайдалану” және “Климаттың өзгеруіне қарсы шұғыл шаралар” тақырыбында ғылыми семинар өтті. Ғылыми семинар Біріккен ұлттар ұйымының Тұрақты даму 13 - мақсатын іске асыру аясында өтті. Ғылыми семинарды "Кеден, қаржы және экологиялық құқық" кафедрасының доценті, заң ғылымдарының кандидаты Г.Т.Айғаринова ұйымдастырып, тақырыптың өзекті мәселелерін айқындады. Кафедра доценті экожүйенің ластануына байланысты қоршаған ортаның бұзылуы, климаттың күрт өзгеруі немесе ауа райының ысуымен ерекшеленетінін айтып өтті. Ғылыми баяндама жасаған студенттер дүние жүзіндегі және Қазақстандағы  экожүйенің өзекті мәселесін, оның басты факторларын атап өтті. Климаттың өзгеруінің басты факторларын, адамзаттың іс-әрекеті салдарынан туындайтын проблемалар айтылды. Сондай-ақ қазіргі таңдағы сол проблеманың басты шешімдерін, жұмыстарын және оны қалай күшейту керектігін баяндады. Ғылыми семинарда, қабылдаған мәліметтерді бекіту үшін әр түрлі нысандағы ойындар өткізіліп, ерекше озық студенттер өзінің білім деңгейлерін  көрсетті. Ғылыми семинар қорытындысы бойынша нақты ұсынылған ұсыныстар қабылданды.