Студенттер Ғ.Мүсірепов атындағы балалар мен жасөспірімдер театрына барды.

ТДМ-ны іске асыру мақсатында 4-сапалы білім беру бағыты бойынша 25 қазанда Ғ.Мүсірепов атындағы балалар мен жасөспірімдер театрына 1 курс «Логистика» мамандығының К3 тобының студенттері эдвайзерімен бірге барды.

Қойылым Өзбекстан Республикасының көрнекті жазушы-драматургі Саид Ахмадтың «Келіндер көтерілісі». Пьеса ұзақ жылдар бойы сахна төрінен түспей келе жатқан комедиялық жанрда жазылған үздік шығармалардың бірі. Генерал ененің бұйрығымен жүріп-тұратын бір әулет адамдары кеше ғана жас келін болып түскен Нигораның бас көтеруімен аналарына қарсы шығады. Бір жағадан бас бір жеңнен қол шығарып маршал кемпірді тақтан тайдырудың жоспарын жасайды.

Комедия ене мен келін арасындағы қарым-қатынасты емес, жалпы қоғамда орын алып отырған мәселелерді көрсетеді. Адам баласының еркіндігі, таңдау құқығы сияқты күнделікті өмірде кездесетін мәселелер негізге алынған. Қойылымда ата дәстүрін берік ұстайтын өзбек халқының ұлттық биі мен музыкасы қолданылады. Астарлы әзілге толы комедия көрермен қауымды күлкіге бөлей отырып, терең ойға батырады.

Осы арқылы студенттер Өзбекстан Республикасының тарихы мен мәдениетімен танысты.

Ұйымдастырушы: Рысбаева Б.Б.