"Жаңа Қазақстан: әділетті қоғам" семинар-тренингі өтті

8-9 қараша күндері Қазақстан Президент Орталығы мен "Қазақстан Халқы Ассамблесы" орталығының ұйытқы болуымен "Жаңа Қазақстан: әділетті қоғам" атты онлайн семинар тренингі өтті. 

Шараға ҚазҰУ сенат ұйымының белсенді 25 студент таңдалып алынды. 

Семинар-тренинг  Қазақстан Республикасы  Президенттік орталығы директорының орынбасары, тарих ғылымдарының кандидаты Қайыпова Ботагөз Мұттахиденқызының кіріспе сөзімен ашылды. Қазіргі Қазақстан жағдайындағы жаңа реформалар мен қоғамдық-саяси көзқарастарға тоқталды.

Алғашқы дәрісті Президенттік орталығының ғылыми қызметкері Мусина Назира Касимжановна «Қазақстандық қоғамның әлеуметтік-мәдени идеалдары» тақырыбында өтті. 

Одан кейін жетекші ғылыми қызметкер Хамитова Акбота Камоевна  «Әділеттілік: тұжырымдамалық қағидаттар»  тақырыбында семинар-тренингін өткізді. Қазақстандағы этоно-мәдени жағдай,  қарама-қайшылықтар, жаңа құндылықтарды қалыптастыру мәселелерін түсіндірді. Студенттермен еркін пікір-алмасу болды.

Келесі тренингті жетекші ғылыми қызметкер Оспанова Әсия Әділқызы жүргізді. Студенттерге интеллектуалды ой-өрістерін дамытатын жаттығулар мен тапсырмалар берді. 

Жалпы екі күндік семинар белсенді студенттерге көшбасшылық мәдениетті үйретті. Жаңа Қазақстанның патриоттық рухтағы көзқарастардың қалыптасуына  септігін тигізді. Әділетті қоғам құрудағы мемлекеттің ұстанымдарын танып-білді.