"Тұрмыстық зорлық-зомбылыққа қарсы іс-қимылдың әлеуметтік және құқықтық негіздері. Адам құқықтарын тұрмыстық зорлық-зомбылықтан қорғау"

2023 ж. 29 қараша  әл-Фараби атындағы  ҚазҰУ заң факультетінің 312 тобында "Адам құқығы" пәні бойынша сабақта адам құқықтарын тұрмыстық зорлық-зомбылықтан қорғау механизмін талқылады.

312 - топтың студенттері Сабетбеков Нұрмұхамед пен Марсова Гүлнұр " Тұрмыстық зорлық-зомбылыққа қарсы іс-қимылдың әлеуметтік және құқықтық негіздері. Адам құқықтарын тұрмыстық зорлық-зомбылықтан қорғау" деген тақырып бойынша баяндама жасады.

Сабақтың мақсаты-тұрмыстық зорлық-зомбылыққа қарсы іс-қимылға қатысты Қазақстан Республикасының заңнамасына ұсынылатын новеллаларды қарау, шет елдердің құқықтық практикасымен салыстырмалы талдау жүргізу. Қазақстан қоғамының құқықтық мәдениетіне, тұрмыстық зорлық-зомбылық саласындағы құқық бұзушылықтардың алдын алу мәселелеріне көп көңіл бөлінді.

Әл-Фараби атындағы  ҚазҰУ заң факультетінің 312 тобының студенттері талқылау тақырыбына жоғары қызығушылық танытып, оған белсенді қатысты. Осы тақырып бойынша пікірталас өткізілді. 

Ұйымдастырушы-  мемлекет және құқық теориясы мен тарихы, конституциялық және әкімшілік құқық кафедрасы.

Аталған іс - шараны өткізуге з.ғ. д., профессор Ибраева Алуа Саламатовна жауапты.