«Гендерлік теңдік және қазақтың ғалым қыздары» әдіснамалық семинары

2023 жылдың 13 желтоқсанында Әл-Фараби атындағы Қазақ Ұлттық университетінде Тарих факультетінің ұйымдастыруымен «Гендерлік теңдік және қазақтың ғалым қыздары» әдістемелік семинары өткізілді.

Іс-шара барысында әл-Фараби атындағы Қазақ Ұлттық университетінің Дүниежүзі тарихы, тарихнама және деректану кафедрасының доценті, тарих ғылымдарының докторы Г.С. Жүгенбаева баяндама оқып, Қазақстандағы гендерлік теңдік мәселесінің жағдайына, қазақтың ғылымдағы қыздары, соның ішінде ҚР ҰҒА корреспондент-мүшесі, профессор, тарих ғылымдарының докторы М.Қ. Әбусейітованың ғылымдағы жолына, еңбектеріне тоқталды.

Семинар барысында оқытушылар, докторанттар, магистранттар мен студенттер арасында пікір-талас орнатылып, қатысушылар өз пікірлерімен бөлісті.