ҚазҰУ студенттері инновациялар байқауында топ жарды

Ақпараттық және коммуникациялық технологиялар саласындағы инновацияларға арналған Huawei ICT Competition 2023-2024 жарысы аясында Қазақстан құрамасы Cloud Track бағыты бойынша өңірлік финалда жеңіске жетті.

Талантты студенттерден құралған команда құрамында Әл-Фараби атындағы ҚазҰУ  Ақпараттық технологиялар факультеті  Жасанды Интеллект және BIG DATA кафедрасының екі студенті – Дидар Молдахметов пен Аида Бегайдарова және Қазақстан-Британ техникалық университетінің студенті Гаухар Жанел сынға түсті.

Команданың жетекшісі – ҚазҰУ оқытушысы Ескендір Әшімов студенттерді жарысқа үлкен дайындықпен апарған.

Білімділер сынға түскен өңірлік финалда Қазақстан құрамасы Орталық Азия мен Таяу Шығыстың 11 елінен келген 22 командадан басым түсіп, шеберлік пен білімнің жоғары деңгейін көрсетті.

Жеңімпаз студенттер арнайы медальмен, алғыс хаттармен марапатталды.

Осы құрамдағы команда алдағы 2024 жылы Қытайда өтетін инновациялар байқауының жаһандық финалына  қатысатын болады.

Әл-Фараби атындағы ҚазҰУ Баспасөз қызметі