"Фараб оқырмандар" клубының салтанатты ашылу кеші өтті!

Әл-Фараби атындағы ҚазҰУ-дың ғылыми кітапханасында студенттік әдеби-танымдық оқырмандар клубы қайта жаңғырды.  

Әл-Фараби атындағы ҚазҰУ-дың Рухани жаңғыру орталығының директоры, жазушы Нұрғали Ораз: «Кітап – білім бұлағы, білім – өмір шырағы» деген осы бір аталы сөз қай ғасырда, қай заманда болсын өз құнын жойған емес. Бүкіл адамзат тарихында көне дәуірлерден сақталып келе жатқан, бізге жеткен асыл мұралар, ақыл-ой, ғылым-білім қазыналары кітап арқылы игілігімізге асуда. Осы ретте ҚазҰУ-дың 90 жылдығы аясында оқырмандар клубының жандануы студент жастардың кітапхананың бай кітап қорындағы көркем әдебиетпен танысуларына берілген мол мүмкіндік», – деді.