Әл-Фараби атындағы ҚазҰУ-де  заң ғылымдарының докторы, профессор, Ресей жаратылыстану ғылымдары академиясының академигі ЖҰМАГЕЛДІ СӘКЕНҰЛЫ ЕЛЮБАЕВТЫҢ 70 жылдық мерейтойына және әл-Фараби атындағы ҚазҰУ-дың 90 жылдығына арналған «Қазақстан Республикасының орнықты дамуға көшу жағдайындағы мемлекеттің экологиялық саясаты» атты заң факультетінің кеден, қаржы және экологиялық құқық кафедрасының ұйымдастыруымен халықаралық ғылыми-тәжірибелік конференция өтті

2024 жылғы 05 наурызда әл-Фараби атындағы ҚазҰУ-де  заң ғылымдарының докторы, профессор, Ресей жаратылыстану ғылымдары академиясының академигі ЖҰМАГЕЛДІ СӘКЕНҰЛЫ ЕЛЮБАЕВТЫҢ 70 жылдық мерейтойына және әл-Фараби атындағы ҚазҰУ-дың 90 жылдығына арналған «Қазақстан Республикасының орнықты дамуға көшу жағдайындағы мемлекеттің экологиялық саясаты» атты заң факультетінің кеден, қаржы және экологиялық құқық кафедрасының ұйымдастыруымен халықаралық ғылыми-тәжірибелік конференция өтті.

Конференцияны әл-Фараби атындағы ҚазҰУ Басқарма мүшесі - Академиялық мәселелер жөніндегі проректоры, з.ғ.д., профессор Л.К. Еркинбаева ашып, мерейтой иесіне, конференция қонақтары мен қатысушыларына арнап құттықтау сөз сөйледі. 
Конференция модераторы заң факультеті кеден, қаржы және экологиялық құқық кафедрасының кафедрасының меңгерушісі, з.ғ.д., профессор Г.А. Куаналиева әл-Фараби атындағы ҚазҰУ ПОҚ мен білім алушыларды оны өткізу барысында белсенді қатысуға шақырды.
Конференция аясында отандық және шетелдік мамандар сөз сөйледі: С.А. Боголюбов з.ғ.д., профессор, Ресей Федерациясының еңбек сіңірген ғылым қайраткері, Ресей Федерациясы Үкіметі жанындағы Заңнама және салыстырмалы құқықтану институты (Мәскеу қ., РФ); Сәулен Н., ҚР Президенті Іс басқармасы жанындағы Парламентаризм Институтының бас маманы, философия докторы (PhD); С.А. Балашенко з.ғ.д., Беларусь мемлекеттік университетінің экологиялық және аграрлық құқық кафедрасының профессоры (Минск қ., Беларусь Республикасы); Е.О. Алауханов з.ғ.д., профессор «Қазақстанның еңбек сіңірген қайраткері», Қазақстан Жазушылар Одағы төрағасының кеңесшісі, Қазақстан Республикасы Президентінің жанындағы Адам құқықтары жөніндегі комиссияның сарапшысы; Т.И. Макарова з.ғ.д., профессор, Беларусь мемлекеттік университетінің экологиялық және аграрлық құқық кафедрасының меңгерушісі, (Минск қ., Беларусь Республикасы).