«Көрісу күні» мерекесіне арналған кураторлық сағат

14 наурыз күні Қазақ Ұлттық Университетінің, биология және биотехнология факультеті, биотехнология кафедрасында оқытушыларымен МБ 23-01 және БТ 23-01 К тобының 1-ші курс студенттерінің қатысуымен «Көрісу күні» мерекесіне арналған кураторлық сағат өткізілді.

Кураторлық сағаттың мақсаты:
1. Студенттерді қазақ халқының салт-дәстүрлерінің бірі көрісу мерекесінің ерекшелігімен таныстыру;
2. Жоғары оқу орынында білім алу кезінде үлкенге құрмет, кішіге ізет көрсетуге, сыйластыққа баулу;
3. Білім алушы студенттерді адамгершілікке, ұйымшылдыққа, татулыққа тәрбиелеу.

Қазақстанда 14 наурыз күні «Көрісу күні» мерекесі атап өтіледі. Бұл күні адамдар бір-бірімен амандасады, кішілері үлкендерге барады, амандасады, бір-біріне денсаулық, бейбітшілік пен амандық тілейді. Әр шаңырақта дастархан жайылып, ақсақалдар бата береді. Дәстүр қатал қыстан аман қалған адамдар көктемнің келуіне қуанып, жарқын болашаққа жоспар құратындығына байланысты пайда болған деп есептеледі. Көрісу күнінде халық қыстан аман - есен шыққанына қуанып, бір - бірімен қол алысып, көріседі. Барлық өкпе - реніш ұмытылып, кешіріледі. 14 наурыз - Көрісу мейрамы, амал мерекесі. Таң  атысымен, көрісу мерекесін асыға күтіп отырған әрбір отбасы мол дастарханын жаяды, бауырсақ пісіріп, дастарханға тәттілер қояды. Отбасының кішілері үлкендеріне қос қолын беріп, көрісіп шығады. Бір – біріне «Бір жасыңмен!» дейді. Ол «Бір жасқа есеюіңмен! Осы жылға аман - есен жетуіңмен!» дегенді білдіреді. Әр отбасы көршілерімен көріседі. Жасы кіші отбасы мүшелері жасы үлкен жанұяларға кіріп, көрісіп шығады. Бұл дәстүр жыл бойы балаларымыз тоқ жүрсін, дастарханымыз аралас болсын, қарым — қатынасымызға сызат түспесін деген ниеттен туған.

Микробиология және Биотехнология мамандығы бойынша білім алып жатқан 1-ші курс студенттері 14 наурыз күні «Көрісу күні» мерекесіне белсенді қатысты. Кафедра оқытушылары мен студенттерімен көрісу салтын жасады. Студенттер қазақ халқының «Қара жорға биін» биледі, қазақ әндерін шырқады.

Ұйымдастырушылар: МБ23-01 К тобының эдвайзері Уалиева П.С.

                                       БТ 23-01 К тобының эдвайзері Абдиева Г.Ж.