ҚазҰУ-дың инновациялық стартап-жобалары таныстырылды

Әл-Фараби атындағы Қазақ ұлттық универси­теті­нің ғалымдары Digital Almaty 2024 VI цифрлық форумына қаты­сып, инновация­лық стартап-жобаларын таныстырды.

Халықаралық цифр­лық форумға ШЫҰ және ЕАЭО елдерінің мемле­кет қайраткерлері, же­тек­ші сарапшылары мен ғалымдары, кәсіпкерлері қатысуда.

Сала мамандары ци­фр­­лық индустрияның жаңа дәуірін қалыптас­ты­руға бағытталған тың тә­жі­рибелер мен идея­лар тө­ңірегінде пікір ал­масу­да.

Іскерлік бағдарлама ая­сында қатысушылар Govtech, Индустрия 4.0, ESG, Smart City сала­ла­рындағы цифрлық транс­формация және ин­но­ва­циялық шешім­дер та­­қырыптарын сара­лап, жетекші сарап­шы­лар­дың жаңа ұсы­ныс­тары мен инновациялық тех­но­ло­гия­лар көрмесі шең­бе­рін­де жобаларды тал­қы­лайды.

ҚазҰУ ғалымдары фо­рум аясындағы көр­ме­ге «Туризмнің цифр­лық контентін жаңғырту: мобильді қосымшалар, панорамалық 3D турлар, интерактивті карталар және QR кодтар», «STEM-білім беруге арналған шағын ғарыш аппарат­тарының инновациялық конструкторы», «Жасан­ды интеллект және зат­тар интернеті негізінде су ресурстарын монито­рин­гілеу жүйесі» т.б. стартап-жобаларын ұсын­ды.

Университет ғалым­да­ры әзірлеген TOURISMQAZ мобильді қо­сым­шасы – бұл көлік, ор­наластыру, тамақтану, гидтер-экскурсоводтар, нұсқаушылар мен аудар­ма­шылар, ойын-сауық жә­не басқа да туристік қыз­меттерді басқарудың автоматтандырылған жүйе­сі.

Сонымен қатар ҚазҰУ ғалымдары Іле-Балқаш бассейнінің су ресурс­тарын ақпараттық-тал­да­малық жүйесін әзір­ле­ді және онтология де­рек­терінің веб-кар­та­­сын таныстырды.

«Білім беру мекеме­ле­ріне арналған шағын ғарыш аппараттарының инновациялық конс­трук­тор­ларын өндіру» жо­басы «Ғылым қоры» АҚ қолдауымен уни­вер­си­тет­тің Процестік ин­но­ва­ция­лар ор­та­лы­ғы база­сын­да іске асырылуда. Ол ғарыш­тық ро­бо­то­тех­никаны, сон­дай-ақ елі­міз­дің мектеп­тері мен жо­ғары оқу орын­да­рында STEM-білім бе­ру­ді да­мытуға бағыт­тал­ған. «Alfasat» конс­трукторын еліміздің колледждері мен жоға­ры оқу орын­дарына ен­гізу жоспар­ла­нуда.

Гүл БАЯНДИНА