Сарысай сағасында өткен дәріс

Қыстың соңғы күн­де­рін­де Медеу шатқалында орналасқан Кіші Алматы өзені Сарысай саға­сы­нан төмен гидроло­гия­лық бекетіндегі мұздық құбылыстарды бақылау мақсатында Метеороло­гия және гидрология кафедрасының «Гидро­лог» маманды­ғын­да білім алып жатқан сту­денттерге өзендерде кездесетін мұздық құбылыстар және олар­дың түрлері тақы­ры­бында далалық жағ­дайда дәріс өткіздік. 

Дәріс барысында студент­тер­ге өзендердің қысқы ре­жимі­нің ерекшеліктері мен өзен­дердің түрлеріне қарай мұз­дық құбылыстардың жік­те­луі және олардың өзен ағын­ды­сына тигізетін әсері туралы мағ­лұматтар берілді. 
Далалық сабақта өзендерде бақыланатын мұздық құбылыс­тар және олардың түрлері, мұз­дық режимдерге климат­тың өзгерісінің ықпалы туралы қызықты деректер айтылды. Сонымен қатар қысқы кезеңде өзендерде байқалатын қауіпті гидрологиялық құбылыстар туралы ақпарат берілді.
Жалпы, мұздық құбылыс­тар­дан болатын апаттар ха­лық­­қа, табиғатқа, инфра­құ­ры­лымға кері әсерін тигізеді. Сон­­дықтан қысқы кезеңде өзен­дердегі мұздық құ­бы­лыс­тарға мониторинг жасау аса маңызды екенін еске саламыз.

Динара АРЫСТАМБЕКОВА,
Метеорология және гидрология кафедрасының
аға оқытушысы, PhD