«Жастар қуаты – табысты келешекке бір қадам»

ҚазҰУ студенттері С. Торайғыров университетіндегі Жастар саясаты мәселелеріне арналған «Жастар қуаты – табысты келешекке бір қадам» атты халықаралық семинарға барып келді. Қазақстан Республикасы Ғылым және Жоғары Білім министрлігі жоғары оқу орнынан кейінгі білім комитеті төрағасының орынбасары Ақерке Абылайхан білім берудің міндеті – жастарды әлеуметтендіру екенін атап өтті. Іс-шара барысында студенттік өмір мен қоғамдық қызметтің әртүрлі аспектілері бойынша интерактивті ойындар, мастер-кластар және панельдік талқылаулар өтті. Студенттердің республикалық форумы тәжірибе алмасу алаңына айналып қана қоймай, жастардың өз дамуы мен жұмыс істеуін жалғастыруға және өз болашағы мен ел болашағын қалыптастыруға күш салуына түрткі болды. 

Халықаралық семинарға қатысуға бірегей мүмкіндік бергені үшін студенттер университетке алғыстарын білдіріп, бұл семинар білім дағдыларын және таным көкжиектерін кеңейтуге мүмкіндік берген керемет құнды тәжірибе болғанын айтты.