Гендерлік саясат. Зорлық-зомбылықпен күрес

       28.03.2024 жылы Т.П. Табеевтің жетекшілігімен «Экономика» мамандығының 1 курс студенттері «Гендерлік саясат. Зорлық-зомбылықпен күрес» тақырыбында эдвайзерлік сағатын өткізді.Экономика кафедрасының оқытушылары мен 3 курс студенттері де белсене қатысты.

Бұл шараның мақсаты: -оқушыларды «гендер», «гендерлік білім», «гендерлік теңдік» ұғымдарымен таныстыру; қыздар мен ұлдардың жан-жақты тұлғалық дамуына, олардың бейімділіктері мен мүмкіндіктерін іске асыруға мүмкіндік беретін гендерлік теңдік қағидаттары; студенттерге гендерлік көзқарастардан арылу және сәйкес стереотиптерді жұмсарту үшін қажетті білімді қалыптастыру;

- жан-жақты өзін-өзі жүзеге асырудың қажетті шарты ретінде гендерлік мәдениетті дамыту; гендерлік қатынастар саласындағы моральдық нормалар мен көзқарастардың мәнін, қызметтің барлық салаларында оларды басшылыққа алу қажеттілігін дұрыс түсінуді дамыту;

Адамның еркек немесе әйел жынысына жататынын сезінуі оның мінез-құлқын, өмір салтын және адамның жеке қасиеттерінің қалыптасуын анықтайды. Бұл белгілі бір гендерлік рөлді меңгерумен байланысты күрделі процесс (ТДМ 5). 

Эдвайзерлік сағатында әркім өз пікірін білдірді. Оқытушылар да, студенттер де экономикалық, әлеуметтік және саяси гендерлік саясат туралы айтты. Сондай-ақ, халықтың сауаттылығы мен рухани-мәдени дамуына септігін тигізетін осындай іс-шараларды әртүрлі жастағы адамдар үшін өткізудің маңыздылығын атап өтті. Экономика бөліміне қызығушылық танытып, қазіргі қоғамның өзекті мәселелерін шешуге мүмкіндік бергені үшін алғысымызды білдіреміз.