«Жылы жүрек-жомарт қол» қайырымдылық іс- шара

         Адам өміріндегі ең игі істерінің бірі – мұқтаж жандарға қамқорлық жасау. Жылағанды жұбатып, сүрінгенге сүйеу болу қанымызда бар асыл қасиет. Әсіресе, өскелең ұрпақтың бойында осындай адамгершілік қасиеттің толассыз болуы жаныңды жадыратып, көзіңді қуантады. 
       09.04.2024 жылы ИСК- 111 тобының білім алушыларының ұсынысымен,  ата-аналардың қолдауымен, топ кураторы Д.Ерғалидың жетекшілігімен топ оқушылары жаны жабырқау, жақсылыққа мұқтаж жанның үйіне барып, айт мерекесі қарсаңында материалдық көмек көрсетіп, аз да болса азық-түлікпен қамтамасыз етіп, көңілдерін аулап қайтты. 
       Жақсылық жасау қолыңнан келіп тұрса, қуаныш сыйлауға мүмкіншілігің жетіп тұрса, неге қол ұшын созбасқа?! Міне, осындай қызу пікір-таласпен, тағдырдың тәлкегіне түскен отбасыға аз да болса қуаныш сыйлай алғандарына  көңілдері толған білім алушылар тағы да жақсылық жасағылары келетінін жарыса жеткізді. Өткізілген іс шараның басты мақсаты да осы еді.