Медицина қызметкерлерімен кездесу

Дені сау ұлт – мықты мемлекеттің негізі. Мем­лекет басшысы Қасым-Жомарт Тоқаев­тың жолдауында меди­цина саласындағы өзекті мәселелер на­зар­дан тыс қалған жоқ. Осыған орай, жақында емхана дәрі­герлері физика-техникалық факуль­те­тінің студенттерімен кездесу өткізіп, «Тубер­ку­лездің алдын алу», «ВИЧ/СПИД», «Темекі шегу мен алкоголизм» деген тақырыптарда мәліметтер айтты. 

Туберкулездің таралу жол­да­ры, онымен күресу жол­да­рын түсіндірді. Бәрімізге бел­гілі бұл ауру адамнан адамға ауамен таралады. Жөтелгенде, түшкіргенде немесе қақыр­ған­да өкпе туберкулезі бар адам­дар ауаға туберкулез бак­те­рияларын жаяды. Жұқтыру үшін адамға осындай бакте­рия­лардың азғана мөлшерімен дем алуы жеткілікті. Туберкулез қоздырғышының сыртқы ор­та­да ұзақ уақыт сақталу қабілеті бар, мысалы, науқас адам жө­телгенде қақырықпен бірге, түш­кіру, сөйлеген кезде қор­шаған ортаға 2-6 м радиуста ауада таралатын мил­лион­да­ған микробактерияларды бө­ле­ді екен. Олар еденге, зат­тарға шаңмен бірге тұнады жә­не көптеген жылдар бойы өміршең болып қалуы мүмкін екенін ескертіп айтты. Со­ны­мен қатар туберкулездің ал­дын алу шараларын сақтап жүрулерін міндеттеді. Әрине, ең басты қағида – салауатты өмір салтын ұстану. Таза ауада серуендеу, күн және су проце­дуралары, денешынықтырумен айналысу, жеке гигиена ереже­лерін сақтау, толыққанды, дәру­мендерге бай тамақтану, жеткілікті және уақтылы ұйқы, яғни дұрыс гигиеналық тәртіп адам ағзасының нығаюына ықпал етеді және оны тубер­ку­лез ауруынан қорғайды.

Бұл мақсатқа жетудің ең дұ­рыс жолы – күн тәртібін құру және ағзаны шынықтыру екенін студенттерге мейлінше толық түсіндіріп айтып берді. Сту­дент­­тердің көкейкесті сұрақта­ры­на толық жауап бере білді. Білім алумен қатар, осындай іс-шаралар болып тұрғаны өте дұрыс деп ойлаймын. Емхана қызметкерлеріне алғысымыз зор.

Эльмира Зұлбұхарова,

Жылуфизика кафедрасының аға оқытушысы