Педагогика ғылымдарының докторы, профессор, ҚР белгілі қоғам қайраткері. ҚР еңбек сіңірген қайраткері (2007). 1954 жылы 17 желтоқсанда Шығыс Қазақстан облысы Самара ауданы Қойтас ауылында дүниеге келген. Қараткөл сегіз жылдық мектебін, Өскемен қаласының № 3 орта мектебін бітірді.
1971 жылы К.Х.Закирьянов С.М.Киров атындағы ҚазМУ механика-математика факультетіне түсіп, 1976 жылы университетті алгебра және сандар теориясы кафедрасы бойынша бітірді. Сол жылы аспирантураға түсіп, КСРО Ғылым академиясының Сібір бөлімінің математика институтына жіберілді. 1986 жылы "Алгебралық сандар сақиналарына қолданылатын сызықтық топтардың сандық сипаттамалары туралы" тақырыбында кандидаттық диссертация қорғады.
1979 жылдан 1995 жылға дейін К.Х.Закирьянов Шығыс Қазақстан мемлекеттік университетінде жұмыс істеп, ассистенттен ректорға дейінгі қызметтік мансабының барлық сатыларынан өтті. 1995 жылы Қ.Х.Закирьянов Шығыс Қазақстан облысы әкімінің орынбасары және сол жылдың соңында Қазақстан Республикасы Президенті Әкімшілігінің Ішкі саясат бөлімінің сектор меңгерушісі болып тағайындалды. 1996 жылы «Қазақстанда батыс білім беру моделін енгізу» тақырыбында докторлық диссертация қорғады.
1998 жылдан бастап Қазақстандағы жалғыз спорт жоғары оқу орны – Қазақ спорт және туризм академиясын басқарады.
К.Х.Закирьянов – Халықаралық жоғары мектеп ғылым академиясының академигі, сондай-ақ Ұлы Петр негізін қалаған Петр ғылым және өнер академиясының академигі.
К.Х.Закирьяновты тарихи мәселелер қызықтырады, ол "Шыңғыс ханның Түркі дастаны. Қазақтардың асыл аңызы" атты кітап жазған.