Курсанттардың ғылыми шығармашылығында ұлттық қауіпсіздікті қамтамасыз ету теориясы мен практикасын дамыту

2024 жылдың 25 сәуірінде «Әлеуметтік педагогика және өзін-өзі тану» мамандығының 3 курс студенттері «Курсанттардың ғылыми шығармашылығында ұлттық қауіпсіздікті қамтамасыз ету теориясы мен практикасын дамыту» атты ғылыми-практикалық конференциясына қатысты.

Іс-шара Қазақстан Республикасы ҰҚК Шекара академиясында өтті. Конференция жұмысына әл-Фараби атындағы ҚазҰУ, Абай атындағы ҚазҰПУ, Сәтпаев атындағы ҚҰТЗУ, «Тұран» университетінің студенттері, ҚР ҰҚК Шекара академиясының, ҚР ІІМ Есболатоватындағы Алматы академиясының, Радиоэлектроника және байланыс әскери-инженерлік институтының курсанттары қатысты.  

Конференция қорытындысы бойынша біздің студенттер жүлделі орындарға ие болды: 

1) Н. Ибатолла – І орын дипломы (баяндама тақырыбы «Рухани-адамгершілік құндылықтар және олардың қазақстандық қоғам үшін маңызы»);

2) А. Ахмет – «Өзекті тақырып» номинациясындағы грамота (баяндама тақырыбы:«Лудомания және оның жағымсыз салдарының алдын алу»);

3) А. Жұмабаева – «Шешендік өнер» номинациясы бойынша грамота (баяндама тақырыбы: «Ұлттық құндылықтар – тәрбие бастауы»).

Студенттерімізді лайықты марапаттарымен құттықтаймыз және оларға одан әрі табыстар мен жетістіктер тілейміз!