4 МАУСЫМ – МЕМЛЕКЕТТІК РӘМІЗДЕР КҮНІ ҚҰТТЫ БОЛСЫН!

Құрметті Әл-Фараби атындағы

Қазақ ұлттық университетінің оқытушы-профессорлары,

білім алушы жастары!

Сіздерді 4 маусым – Мемлекеттік рәміздер күнімен шын жүректен құттықтаймын!

Елтаңба, Ту, Әнұран – Тәуелсіздігіміздің басты құндылығы, мемлекеттілігіміздің айшықты нышаны. Берекелі қоғам мен  адал азаматтардың бейбіт өмірінің кепілі, еліміздің тұрақты дамуы мен халықаралық аренадағы беделінің шынайы көрінісі.

Мемлекет басшысы Қасым-Жомарт Тоқаев өз сөзінде:

«Мемлекеттік рәміздерде бүкіл Қазақстан халқын біріктіретін, жалпыұлттық бірегейлігімізді нығайтатын құдыретті күш бар. Көк байрағымыз, Елтаңбамыз және Әнұранымыз – мемлекетіміздің мәртебесі, халқымыздың ар-намысы. Олар алға қарай нық қадам басып, биік мақсаттарға қол жеткізу жолында күш-жігер береді», – деп атап өткен болатын.

Рәміздерді құрметтеп, мақтан тұту әрбір азамат үшін қасиетті борыш.

Мемлекеттік нышанымыз  тағылымды тарихымызды әйгілеп, өткенімізді айшықтап, ертеңгі мақсатымызды айқындап тұр.

Сондықтан да, бұл күн – барша қазақстандықтар үшін патриоттық сезім мен Отанға деген құрметтің мерекесі.

Тәуелсіздігіміздің алтын күмбезі саналатын мемлекеттік рәміздеріміздің мәртебесі арта берсін!

Шаңырақтарыңызға  құт-береке, еңбектеріңізге табыс, жақындарыңызға амандық тілеймін.

Әл-Фараби атындағы Қазақ ұлттық университетінің

Басқарма Төрағасы – Ректоры Жансейіт ТҮЙМЕБАЕВ