Амстердам Еркін университетімен ғылыми байланыс

Әл-Фараби атындағы ҚазҰУ мен Амстердам Еркін университетінің ғалымдары (Vrije Universiteit Amsterdam, Амстердам қ., Нидерланды) ЕО ERASMUS+ оқытушылардың академиялық ұтқырлығы халықаралық жобасын іске асыруда. 

ҚазҰУ тарапынан жобаны Әлеуметтану және әлеуметтік жұмыс кафедрасының меңгерушісі, профессор Г.Әбдірайымова, әлеуметтану ғылымының докторы, доцент Н.Шеденова, PhD Д.Бұрханова іске асыруда.

Жоба аясында Амстердам Еркін университетінің Халықаралық әлеуметтік жауапкершілік университеттері желісінің (USN) үйлестірушісі    Гаган Каурмен кездесу өтті. 

Қазіргі уақытта ҚазҰУ-дың осы желінің жобаларын іске асыруға қосқан елеулі үлесін атап өту қажет, онда 2019 жылдан бастап біздің университет елімізде және әлемде әлеуметтік, мәдени және экологиялық сипаттағы түрлі мәселелерді шешуде оның белсенді мүшесі және ынтымақтастықтың қатысушысы болып табылады.

Кездесу барысында жоғары білім беруді трансформациялау және тұрақты даму саласындағы жаһандық істерге қол жеткізу (ТДМ 4, 10) мәселелері, сондай-ақ университеттердің әлеуметтік маңызы бар идеялар мен жобаларды тиімді қалыптастырудағы рөлі талқыланды. Сонымен қатар желіге мүше тараптардың Бейжіңде өтетін USR-2024 саммитіне қатысу мәселелері талқыланды.

Әл-Фараби атындағы ҚазҰУ-дың Баспасөз қызметі