Химия және мұнайхимия саласындағы ынтымақтастық перспективалары талқыланды
![](/storage/news/37636184706669a7cc19edd318442855_3.jpg)
Әл-Фараби атындағы Қазақ ұлттық университетінің Басқарма Төрағасы – Ректор Жансейіт Түймебаев СИБУР корпоративтік университетінің жобаларды дамыту бойынша басшысы Александр Сесоровты қабылдады.
Кездесу барысында тараптар химия және мұнайхимия саласындағы екіжақты ынтымақтастықтың жай-күйі мен перспективаларын талқылады.
Александр Сесоров Жансейіт Түймебаевқа полимерлер мен каучук өндірумен айналысатын Ресейдің ірі мұнай-газ химия компаниясы – СИБУР-дың қызметі туралы ақпарат берді. Құрметті қонақ әрі қарай ҚазҰУ мен СИБУР университеті арасындағы серіктестікті дамытудың негізгі мәселелеріне тоқталды.
«Біз Қазақстан ЖОО-ларымен, атап айтқанда ҚазҰУ-мен ынтымақтасуға ниеттіміз. Алдағы уақытта бірлескен жобалар мен бағдарламаларды іске асырғымыз келеді. Өз тарапымыздан ҚазҰУ оқытушылары мен студенттерін біздің кәсіпорындарда тағылымдамадан өткізуге қолдау білдіреміз. Сондай-ақ магистратурадағы білім бағдарламалары арқылы кадрлар даярлауға мүдделіміз. Цифрлық жобаларды жүзеге асыруда мол тәжірибеміз бар. Бірлесіп жұмыс істеуге дайынбыз», – деді Александр Сесоров.
Өз кезегінде оқу ордасының ректоры университет базасында химия және химиялық технология факультеті жұмыс істейтінін, қазіргі уақытта 21 мамандық және үш дайындық деңгейі бойынша 1500-ден астам студент оқитынын атап өтті.
Кездесу соңында Жансейіт Түймебаев Александр Сесоровтың барлық бастамалары мен ұсыныстарына қолдау білдіріп, жемісті ынтымақтастық орнайтынына сенім білдірді.
Әл-Фараби атындағы ҚазҰУ-дың Баспасөз қызметі
Басқа жаңалықтар
![](/storage/news/25372388706683cdbecdb17400342951_b12c7fe7-e023-4278-852f-a1fdf845a7ba.jpeg)
![](/storage/news/30736065606683cd2178dbd728432875_e94efb32-50f5-4509-9484-4999825c051e.jpeg)