Түркияның Ыспарта қаласында орналасқан Сүлейман Демирел университетінің делегация құрамы ҚазҰУ қалашығымен танысты.

Делегация өкілдерін түркиялық жоғары оқу орнының ректоры Мехмет Салтан бастап келді. Бүгінгі таңда ҚазҰУ Түркияның 36 университетімен және ұйымымен тікелей серіктестік орнатқан.

Құрметті қонақтар университет басшылығымен кездесіп екіара ынтымақтастық мәселелерін талқылаған соң, студенттер қалашығын тамашалап, университет тарихымен музей аясында танысты. Музей экспозицияларына қызығушылықтары мен тарихқа деген құрметке ризашылықтарын білдірді.