ҚазҰУ музейіне 1947 - 1953 жылдар аралығында С. М. Киров атындағы ҚазМУ ректоры Тәжібаев Төлеген Тәжібайұлының мұрагерлері келді.

Т. Т. Тәжібаев - ірі қоғам және мемлекет қайраткері, белгілі ғалым, психолог, педагог. Ол "Педагогика және психология" мамандығы бойынша ҚазКСР Ғылым Академиясының тұңғыш қазақ педагогика ғылымдарының докторы және тұңғыш академигі (1954).

Академик Т. Т. Тәжібаевтың ректорлығы кезеңінде педагогика және психология бойынша күндізгі аспирантура ашылып, оның жанынан 1948 ж. Ш. Уәлиханова атындағы студенттік ғылыми қоғам (НСО) құрылған. Сонымен қатар, 4 факультет, ҚазМУ спорт клубы және бірінші университеттік газет, қазіргі "Қазақ университеті" ашылды.

Біздің музейге Төлеген Тәжібаевтың немересі Асқар Еңлікұлы Тәжібаевтың отбасы - қызы Айжан күйеуі Альваро ата-анасымен (Испания) және Тәжібаевтың кіші қызы Альмира аналарымен келді.

Қазіргі уақытта Асқар Тәжібаев СІМ-дегі ерекше тапсырмалар жөніндегі елші болып табылады. Соңғы уақытқа дейін Қазақстан Республикасының Түркіменстандағы Төтенше өкілетті елшісі болған.

Т.Тәжібаевтың ерең еңбегі мен атқарған қызметтері, университет қабырғасында қалдырған адал істері жөнінде толық экскурсия жүргізілді. Музей қызметкерлерінің атынан аты аңызға айналған ата ұрпағын ұмытпай, тағзым етуге келген жас буынға алғысымыз шексіз.