Қытайдың танымал жазушысы, ҚХР Халықтық саяси консультативтік кеңесінің экс-депутаты, жазушы, аудармашы Акбар Мәжит университет тарихымен танысты.

Акбар Мәжит – ҚХР Жазушылар одағының мүшесі, Қытай мемлекеттік сыйлығының лауреаты, оннан астам кітаптың, оның ішінде Абай шығармаларын қытай тіліне аударған қаламгер.

Құрметті қонақ алдымен қазақтың белді жазушысы, абайтану ілімінің негізін қалаған М.О.Әуезовке арналған экспозицияны тамашалады. Өзінің ойшыл Абай поэзиясын қытай тіліне аударғаны туралы мәлімет беріп, музей аясында бұл кісілерге деген құрметтің жоғары деңгейде екендігін көрді. Жалпы университеттің терең тарихына, өркендеуі мен болашағының экспозициялар арқылы үйлесім тапқанына  ризашылығын білдірді.