Әл-Фараби атындағы ҚазҰУ-ға Оңтүстік Корея мемлекетіндегі Кимчхон университетінің президенті Юн Ок-Хён ханым бастаған делегация арнайы іссапармен келді.

Университет басшылығымен кездесу барысында екі жоғары оқу орнының өзара тиімді әріптестігі бағытын айқындайтын ынтымақтастық туралы Меморандумға қол қойылды.

ҚазҰУ бүгінгі таңда Оңтүстік Кореяның 60 университеті және ұйымдарымен, соның ішінде Сеул ұлттық және Каннам, Пусан шет тілдері, Донгук, Рене, Кукмин, Намсеул, Ханьян және т.б. бірқатар университеттерімен тікелей серіктестік қарым-қатынас орнатқан.