Шығыстану факультетінің Қиыр Шығыс кафедрасында Оңтүстік Кореядан келген студенттерге арналған Жаздық курс өтуде

Әл-Фараби атындағы Қазақ ұлттық университеті шығыстану факультетінің Қиыр Шығыс кафедрасының ұйымдастыруымен 05.08-28.08.24 ж. аралығында өтетін жаздық курсына  Хангук шет тілдер университетінің(Оңтүстік Корея) Орталық Азия кафедрасының 7 студенті қатысады.

Жаздық курстың мақсаты - қазақ тілін үйрену мен Қазақстанның мәдениеті мен тарихын тереңірек зерттеу. Жазғы курс аясында студенттер қазақ халқының мәдениеті мен салт-дәстүрлерімен  танысады, сонымен қатар Қазақстанның көрікті жерлерін аралайды.

Студенттер Қазақстанға 5 тамызда келіп, координаторлардың көмегімен әл-Фараби атындағы  ҚазҰУ жатақханасына орналастырды. Келген күннің ертеңіне студенттерге университет қалашығы бойынша экскурсия ұйымдастырылды. Экскурсия барысында студенттер бірнеше залдардан тұратын Әл-Фараби кітапханасын аралады. Студенттер әл-Фараби мұражайы, Тұңғыш Президент залы, Абай залы, мәжіліс залдары және оқу залдары сияқты кітапханадағы барлық залдармен толық таныстырылды. Студенттер жаздық курс координаторларына алғыстарын білдіріп, естелік суретке түсті.

Аға оқытушылар Серікбаева З.А., Жаханова Ж.Ә.