ҚР ҰҒА Президенті ҚазҰУ-дың ғылыми инфрақұрылымымен танысты

Әл-Фараби атындағы Қазақ ұлттық университетіне ҚР Президенті жанындағы Қазақстан Республикасы Ұлттық Ғылым академиясының Президенті Ақылбек Күрішбаев келді.

Құрметті қонақ жоғары оқу орнының ғылыми инфрақұрылымымен және ҚазҰУ базасында жаңадан ашылған ғылыми зертханалардың қызметімен танысты.

Сапар барысында Ақылбек Күрішбаев «Қашықтан зондтау технологиясы және қолдану» қазақ-қытай бірлескен зертханасында, «Тұрақты даму және табиғатты ұтымды пайдалану» ғылыми орталығында және ТДМ аллеясында болды.

Орталық мамандары академия басшысына жұмыстың бағыты мен ғылыми орталықтың негізгі міндеттері туралы айтып берді. Сондай-ақ университет ғалымдары жүзеге асырып жатқан ғылыми зерттеулер туралы толық ақпарат берілді.

Өз кезегінде ҚР Ұлттық Ғылым академиясының Президенті Ақылбек Күрішбаев университеттегі ғылыми-зерттеу жұмысына оң баға беріп, ғалымдардың алдағы ізденістеріне сәттілік тіледі.

Әл-Фараби атындағы ҚазҰУ-дың Баспасөз қызметі