БАҒДАР БЕРУ АПТАЛЫҒЫ ӨТТІ

Университетімізге 2024-2025 жаңа оқу жылы бойынша қабылданған 1-курс студенттері үшін 26 тамыз бен 31 тамыз аралығында бағдар беру апталығы өтті. Бұл аптада студенттер өздері білім алатын факультеттің басшылығымен, кафедра меңгерушілерімен және өз кураторларымен танысты. Сондай-ақ университет қалашығында орналасқан «Керемет» студенттерге қызмет көрсету орталығы, кітапхана, мұражай, интернет орталығы мен факультет ғимараттарына саяхат жасады. Оған қоса Студенттер үйіне орналасу бойынша ақпарат беріліп, ҚазҰУ-дың академиялық саясатымен, студенттердің Ар-намыс кодексімен, студенттер туралы ережемен және  ішкі тәртіп ережелерімен таныстыру жұмыстары жүргізілді. Оқуға қабылданған студенттердің ағылшын тілін меңгеру бойынша деңгейлерін анықтап, ағылшын және көптілді топтардың қалыптасуы үшін студенттерді іріктеу тестілеуі өтті.