Шығыстану факультетінің студенттері мен оқытушылары ҚазҰУ-дың "Green Campus" жобасы аясында өткен Тазалық апталығына қатысты

2024 жылдың 11 қыркүйегінде шығыстану факультетінің саны 100-ден аса студенттері мен факультет оқытушылары университеттің  "Green Campus" жобасы аясында өткен  Тазалық апталығына қатысты.  Тазалық апталығы – университет аумағын тазалықпен қамтамасыз ететін  дәстүрлі мерзім ғана емес, ол сонымен бірге оқушылар мен оқытушыларды өзара ынтымақтастыққа жетелейтін игі дәстүр.  Сенбілік кезінде қажетті құрал-саймандармен жабдықталған студенттер мен оқытушылар ҚазҰУ-дың бас ғимаратының аумағындағы қоқыстарды жинады, шашылған күзгі жапырақтар мен қоқыстарды тазалады, ағаштар мен бұталарды кесіп, кесілген бұтақтарды жинақтады. "Сенбілік – бұл өзінің жеке уақытын бөліп қоршаған табиғатты, туған елін, өз университетін жақсарту, тазалау үшін жұмсауға дайын әр адамның азаматтық ұстанымы. Бұл университет ауласын абаттандыру және тазарту жөніндегі іс - шара ғана емес, сонымен қатар студенттер мен оқытушылар ұжымының ұйымшылдығын арттыратын бірден-бір   мүмкіндік", - деп атап өтті факультет деканы Наталья Борисовна Ем.

  Дәулет Ф.Н.