Қазақстан Республикасы Орталық мемлекеттік архивында ашық есік күні

Тұрақты даму мақсаттары шеңберінде №17. Тұрақты даму үшін серіктестік

Қазақстан Республикасы Орталық мемлекеттік архивында тарих факультетінің «Сандық архив» мамандығы бойынша 1 курс студенттері мен оқытушылары Сабденова Г.Е. және Ходжабай М.А. қатысқан ашық есік күні өтті.

Архив директорының орынбасары Жылысбаева М.Ғ. және мұрағаттың жетекші қызметкері, тарих факультетінің 1 курс докторанты Қабдуш К.С. студенттерге танымдық экскурсия өткізді. Іс-шара барысында студенттер архив қызметі, оның тарихы және қорларында сақталған бірегей құжаттар туралы құнды ақпарат алды. Ахмет Байтұрсыновтың құжаттары мен басқа да маңызды тарихи материалдарға ерекше назар аударылды.

Студенттерге сондай-ақ құжаттарды цифрландыру үдерісі мен зақымдалған құжаттармен жұмыс істеу әдістері көрсетілді. Олар қойманы аралап,архив материалдары негізінде жасалған фильмді тамашалады.

Іс-шара студенттердің зор қызығушылығын тудырды, олар белсенді түрде сұрақтар қойып, архивта сақталған материалдардың байлығы мен алуан түрлі құжаттарына таңқалды.

Жауаптылар Дүниежүзі тарихы, тарихнама және деректану кафедрасының доценті Сабденова Г.Е., оқутышы Ходжабай М.