«Өзге тілдің бәрін біл, өз тіліңді құрметте»

2024 жылдың 20 қыркүйегінде «Аударма ісі» және «Шетел филологиясы» мамандықтарының 2 курс эдвайзерлері Төреханова Р.А. және Таирова Г.А. 2 курс студенттерімен бірге  ТДМ.4 Білім беру бағыты аясында  «Өзге тілдің бәрін біл, өз тіліңді құрметте» тақырыбында іс-шара өткізді. Іс-шараның мақсаты студенттердің әртүрлі тілдер мен мәдениеттер туралы білімдерін тереңдету, сондай-ақ ана тіліне және әртүрлі тілдерге деген құрметін арттыру болды. Іс-шара жылы және достық атмосферада өтті.
Іс-шара ұйымдастырушылардың құттықтау сөзімен басталды, олар тіл үйренудің заманауи әлемдегі басты аспект ретінде маңыздылығын айтты. Келесі кезекте бірнеше интерактивті іс-шаралар өткізілді. Студенттерге эдвайзерлер дәріс оқыды, онда олар әлемдегі көптілділік, оның артықшылықтары және тілдің көп қырлылығы халықтың мәдениетін қалай көрсететіні туралы айтты. Сондай-ақ, ана тілінің қадір-қасиетіне, оны сақтауға ерекше мән берілді. Әрі қарай, студенттерге әртүрлі тілдерден мысалдар берілді, онда студенттер белгілі бір тілде сөз тіркестерін немесе дәйексөздерді айтады, ал қалған студенттер тілді және атақты фразалардың кімге тиесілі екенін болжауға мәжбүр болды. Әрі қарай студенттер әртүрлі елдердің мәдени ерекшеліктеріне қатысты өз білімдерімен, пікірлерімен бөлісті. Бұл өз білімімді тексеруге және тереңдетуге тамаша мүмкіндік болды. Студенттер өзге тілдер туралы білімдерін жетілдіріп қана қоймай, өз тілдеріне деген құрметтерін де нығайта білді.

Ұйымдастырушылар: Төреханова Р.А., Таирова Г.А.