ТДМ 7. Қымбат емес және таза энергия

22 қыркүйек әл-Фараби атындағы ҚазҰУ-нің физика-техникалық факультетінде Қазақстандағы атом электр станцияларының (АЭС) құрылысына арналған «Брейн-ринг» интеллектуалды сайысын өткізді. Шара энергетика, ядролық қауіпсіздік және экология мәселелерін талқылауда белсенділік танытқан жастар мен студенттердің басын қосты.

Қатысушылар топтарға бөлініп, бірнеше кезеңнен өтті, соның ішінде атом энергетикасының негізгі ұғымдары, Қазақстандағы атом электр станцияларының тарихы және олардың құрылысының экологиялық салдары талқыланды. Жарыс соңында еркін пікірталас өтіп, топтар АЭС құрылысына қатысты позицияларын қорғады.

Сайыс жеңімпаздары дипломдар алып, барлық қатысушылар атом энергетикасы саласындағы білімдерін арттырудың маңыздылығын атап өтті.