ТДМ 4. Сапалы білім; ТДМ 17. Тұрақты даму үшін серіктестік

2024 жылғы 19 қыркүйекте «Ақпараттық және коммуникациялық ғылымдар» тақырыбындағы семинар Солтүстікбатыс политехникалық университетінің (СБПУ) Қазақстандағы филиалында сәтті өтті. Іс-шараға Халықаралық телекоммуникациялық одақ (ITU), Huawei компаниясы және әл-Фараби атындағы ҚазҰУ-нің электроника және астрофизика кафедрасының, сондай-ақ СБПУ-нің оқытушы профессорлық құрамы қатысты.

Семинар барысында Huawei компаниясының өкілдері ұсынған «Глобалдық 5G Даму тенденциялары» тақырыбындағы қызықты презентациялар мен ITU қызметі туралы талқылаулар өтті. Мамандар локализация жүйелері, модуляцияны классификациялау және радиотолқынды (RF) құрылғыларының адам денсаулығына әсері туралы зерттеулерімен бөлісті.

Іс-шара жабылу салтанатымен аяқталып, қатысушылар нәтижелер мен болашақ ынтымақтастық мүмкіндіктері туралы ой бөлісті.