ТДМ 4. Сапалы білім; ТДМ 17. Тұрақты даму үшін серіктестік

Әл-Фараби атындағы ҚазҰУ-нің физика-техникалық факультетінің электроника және астрофизика кафедрасы жанындағы Huawei АКТ академиясының ресми серіктесі «Huawei Technologies Kazakhstan» ЖШС Қазақстанда «ICT Competition 2024-2025 Middle East & Central Asia» халықаралық АКТ олимпиадасының ресми ашылуын өткізді.

Іс-шараның ресми хабарландыруына айналған осы оқиғаға арналған «Roadshow» 19 қыркүйекте ҚазҰУ-нің кітапханасында компания өкілдері мен Huawei АКТ академиясының нұсқаушыларының қатысуымен өтті.

Іс-шараға әл-Фараби атындағы ҚазҰУ-нің Басқарма мүшесі – Ғылыми-инновациялық қызмет жөніндегі проректоры Айтжанова Жәмила Нұрматовна, физика-техникалық факультетінің деканы Бейсен Нұрзада Әбдібекқызы және бакалавриат, магистратура және PhD докторантура деңгейіндегі барлық қызығушылық танытқан студенттер қатысты.

«Roadshow» қорытындысы бойынша электроника және астрофизика кафедрасының бес студенті: Алдатаев Диас Шерғазыұлы (ӨЭжБЖ-429), Нұрланұлы Рамазан (ӨЭжБЖ-431), Тасанов Санжар (РЭТ-1), Абдуғаппаров Мағжан (РЭТ-1) және Егізбай Нұрсұлтан (РЭТ-421) жүлделі орындарға иеленіп Huawei компаниясы оларға бағалы сыйлықтарды табыс етті. Сондай-ақ барлық қатысушыларға Huawei логотипі бейнеленген кәдесыйлар табыс етілді.