«Әдебиет жанрлары зерттеу мен оқытудың өзекті мәселелері»

4 ТДМ «Сапалы білім» аясында  24.09.2024 ж. Бисенбаев Пазылбек Қуанбайұлының 60 жылдық мерейтойы қарсаңында «Әдебиет жанрлары зерттеу мен оқытудың өзекті мәселелері» атты республикалық ғылыми-тәжірибелік конференция өтті.

Конференцияда әл-Фараби атындағы Қазақ ұлттық университеті жанындағы Абай  ғылыми-зерттеу институтының директоры, филология ғылымдарының докторы, профессор Ж.Д. Дәдебаев, әл-Фараби атындағы ҚазҰУ филология факультетінің деканы ҚР ҰҒА академигі, филология ғылымдарының докторы Б.Ө.Жолдасбекова, М.Әуезов атындағы Әдебиет және өнер институтының жетекші ғылыми қызметкері, филология ғылымдарының кандидаты С.Сейілбек, әл-Фараби атындағы ҚазҰУ журналистика факультетінің деканы, филология ғылымдарының кандидаты Қ.Ә. Әуесбай, әл-Фараби атындағы ҚазҰУ қазақ әдебиеті және әдебиет теориясы кафедрасының меңгерушісі, филология ғылымдарының докторы, профессор А.Б.Темірболатғ С.Демирель университетінің қауымдастырылған профессоры, филология ғылымдарының кандидаты Б.Керімбек, т.б. ғаолымдар ғалым, ұстаз Пазылбек Қуанбайұлының ғылыми-шығармашылық жолы, Абай ғылыми-зерттеу институтының құрылғанынан бастап қазіргі кезеңге дейін қалыптасуындағы атқарған еңбегі және ұстаздық қызметі туралы баяндама жасады.

Ғалымның дәрісін тыңдаған әр жерде қызметте жүрген бір топ шәкірттері сөз сөйлеп, ұстаздық қырлары туралы баяндады. Пазылбек Қуанбайұлының сабақ үдерісі негізінде студенттерге жетекшілік жасап классик жазушылардың шығармашылық лабораториясы төңірегінде авторлармен сұхбаттары,  студенттердің түсірген фильмдері мен театрлық қойылымдарынан үзінділер көрсетілді.