Қазақстан Республикасы Жоғары білім қызметкерлері күнімен құттықтау

Құрметті Механика-математика факультетінің оқытушы-профессорлары, қызметкерлері мен жас ғалымдары!

Сіздерді 1 қазан – Қазақстан Республикасының жоғары білім қызметкерлері күнімен шын жүректен құттықтаймыз!

Жоғары білім еліміздің ғылым мен білімін дамытуда, сондай-ақ, қоғамның әр саласында білікті кадрлар даярлауда маңызды рөл атқарады. Механика кафедрасында профессор, доцент, аға оқытушы, PhD докторлары және ғылым кандидаттары табысты еңбек етіп, еліміздің білім беру жүйесіне үлес қосып келеді.

Өткен оқу жылында Scopus журналында кафедра ғалымдарының жарияланымдарының саны артқаны – сіздердің қажырлы еңбектеріңіздің нәтижесі. Бұл білім саласы жаңа, әділетті Қазақстанды қалыптастыруда және ұлттық экономиканы жаңғыртуда үлкен рөл атқаруға тиіс.

Биыл бірінші рет аталып өтіп отырған жаңа кәсіби мерекеде сіздерге мықты денсаулық, отбасыларыңызға береке, еңбектеріңізге табыс тілеймін. Ғылым жолында жаңа жетістіктерге жете беріңіздер!

Баршаңызға сәттілік!