«Студенттер қатарына қабылдау кешi»

2024 жылдың 28 қыркүйегінде Түркітану және тіл теориясы кафедрасының 1-курс студенттері "Студенттер қатарына қабылдау кешіне" қатысты. Кештің мақсаты жаңадан келген білім алушыларға жақсы көңіл-күй сыйлау мен білімнің маңыздылығын ұғындыру. Кеш барысында 1-курс студенттеріне арналған құттықтаулар, ән, би, әртүрлі флешмобтар ұйымдастырылды. 1-курс студенттеріне арнайы, сюрприз ретінде от шашулар болды. Кеш барысында Әл-Фараби атындағы ҚазҰУ ректоры Жансейіт Түймебайев 1-курсқа келген білім алушыларды арнайы құттықтады. ҚазҰУ мүмкіншіліктерімен таныстырып, алдағы жоспарларымен бөлісті, жаңа құрылыс ғимараттарын таныстырды, университет түлектері мен студенттері құрамынан шыққан олимпиада жеңімпаздары, мемлекеттік қызметтегі ҚазҰУ мақтаныштарын тілге тиек етіп жас білімгерлерге серпін берді. Осы кеште «Түркітану» мамандығынығ 1-курс білім алушылары да өз өнерлерін көрсетті. Кафедра басшылығы мен профессор-оқытушылар құрамы  1-курс білім алушыларының кешке белсенді қатысуын қамтамасыз етті. 
Ұйымдастырушы: Әл-Фараби атындағы Қазақ ұлттық университеті, филология факультеті, Түркітану және тіл теориясы кафедрасы