Әл-Фараби атындағы ҚазҰУ мен Гонконг политехникалық университеті бірлескен орталық құру мәселелерін талқылады

Әл-Фараби атындағы ҚазҰУ-ға жұмыс сапарымен QS WUR 2025 рейтингінде 57-ші орында тұрған Гонконг политехникалық университетінің (PolyU) делегациясы келді.

Делегация құрамында Қытай және жаһандық даму желісінің директоры Hak, қолданбалы әлеуметтік ғылымдар кафедрасы, Қытайдағы Бейжің-Гонконг әлеуметтік жұмысты зерттеу орталығының тең директоры Бен Ку келді.

Сапар аясында қонақтар география және табиғатты пайдалану факультетінің деканы А. С. Ақтымбаевамен кездесті Декан «Тұрақты даму және табиғатты тиімді пайдалану» ғылыми орталығында, «Қашықтықтан зондтау және қолдану технологиясы» Қазақстан-Қытай зертханасында жүргізіліп жатқан факультеттің ғылыми-инновациялық қызметін және табиғатты пайдаланудың тұрақты әдістерін зерделеуге және әзірлеуге бағытталған ағымдағы зерттеу жұмыстарымен таныстырды.

Бұдан әрі рекреациялық география және туризм кафедрасының меңгерушісі Р.М. Байбуриев, кафедра меңгерушінің орынбасары И.Акбар кафедраның ғылым мен білім беру қызметі туралы ақпаратты ұсынып, туризм және қонақ үй бизнесі саласындағы ынтымақтастық мәселелерін талқылады.

PolyU делегациясымен бірлесіп Орталық Азиядағы тұрақты даму жөніндегі бірлескен орталықтың жобасы талқыланды, ол өңірдегі ғалымдар, практиктер мен мемлекеттік қызметшілер арасында академиялық және кәсіби алмасу үшін үйлестіру орталығы болады.

Бұл кездесу ТДМ жүзеге асырады, соның ішінде ТДМ 4 - сапалы білім; ТДМ 8 - лайықты жұмыс және экономикалық өсу; ТДМ 17 - тұрақты даму мүддесіндегі әріптестік.