«Инклюзивті орта» ғылыми-практикалық орталығы «Көмек» орталығының психологымен бірге «Психодрама заманауи әсер ету әдісі» тақырыбында шеберлік сыныбын өткізді.

Әл-Фараби атындағы ҚазҰУ-дың «Инклюзивті орта» ғылыми-практикалық орталығы мен Психологиялық қолдау қызметі сондай-ақ   психолог Талғат Темешевтің қатысуымен «Психодрама заманауи әсер ету әдісі» тақырыбында шеберлік сыныбы өткізілді. Аталған шеберлік сыныбына келген студенттер психодрама дүниетанымының қыр-сырларымен және оның психологиялық тұрғыда адам өміріне қаншалықты әсер ететінімен жақын танысқан болатын. Шеберлік сыныбы тек ғана теориялық тұрғыда емес сонымен қатар әртүрлі психологиялық жаттығулармен ойындарды қамтыды. Бұл шеберлік сыныбына қатысқан студенттер бұрын естіп білмеген психологиялық әдістермен танысып, көптеген эмоциялық әсерлер алды. Шеберлік сыныбы жоғары деңгейде өтті деп баға беруге болады.