Теннесси университетінің құрметті профессоры, доктор Барри Брюстың ашық қонақ дәрісі өтті.

8 қазанда 531-аудиторияда Теннесси университетінің биохимия, жасушалық және молекулалық биология кафедрасының докторантура директоры және жетекшісінің орынбасары, Чарльз Постелл атындағы профессор, доктор Барри Брюстың ашық қонақ дәрісі өтті. Дәріс қолданбалы фотосинтездің өзекті мәселелеріне, атап айтқанда, оның биологиялық отын өндірудегі әлеуетіне арналды.

Доктор Брюс фотосинтетикалық технологиялар саласындағы соңғы жетістіктер туралы егжей-тегжейлі айтып, фотосинтезді экологиялық таза энергия көздерін құру үшін қолданудың маңыздылығын атап өтті. Әсіресе, биологиялық отын шығымын арттыру мақсатында фотосинтез процестерін жақсартуға арналған биоинженерлік тәсілдерге ерекше назар аударылды. Сонымен қатар, ол осы саладағы халықаралық жобалардағы тәжірибесімен бөлісті.

«Биоинженерия» мамандығының 4-курс студенттері талқылауларға белсенді қатысып, фотосинтезді оңтайландыруда биоинженерияны қолдану және осы зерттеулер негізінде әзірленген технологиялардың өнеркәсіптік қолдану мүмкіндіктері туралы сұрақтар қойды.