ТДМ 16 - Бейбітшілік, сот әділдігі мен мықты институттар

19 қыркүйек күні сағ.14.30-да әл-Фараби атындағы Қазақ ұлттық университетінің физика техникалық факультеті жылуфизика және техникалық физика кафедрасының куратор-эдвайзерлерінің ұйымдастыруымен университеттің комплаенс-бақылау қызметінің өкілдерінің қатысуымен студенттер арасында түсіндіру жұмыстарын жүргізу мақсатында «Ұлттық университетте сыбайлас жемқорлықпен күресу жолдары» тақырыбында ашық кураторлық іс-шарасы өткізілді.

Іс-шараға Университеттің комплаенс-бақылау қызметінің басшысы Амандықова Анар Айтпекқызы, комплаенс-бақылау қызметі басшысының орынбасары Садық Ермек Түзелбайұлы, жемқорлыққа қарсы технологиялық зертхана «Саналы ұрпақ» студенттік клубының жетекшісі, Алматы қаласының адвокаттар алқасының өкілдері, заң факультетінің оқытушылары және т.б. комплаенс қызметінің өкілдері қатысты.

Шара барысында қонақтар мен қатысушылар университеттегі комплаенс қызметінің функционалдық бағыттары, қолданыстағы сыбайлас жемқорлыққа қарсы шектеулер және мүдделер қақтығысы ұғымы туралы ақпаратпен студенттерді таныстырды. Семинар барысында сыбайлас жемқорлыққа қарсы мәдениетті қалыптастыру, сыбайлас жемқорлыққа қарсы мониторинг және сыбайлас жемқорлық тәуекелдерін талдау сияқты алдын алу шаралары айтылды.

Студенттерге университетте сыбайлас жемқорлық бойынша құқық бұзушылықтардың алдын алу құралдарын енгізуді қамтамасыз ету,  сыбайлас жемқорлыққа қарсы іс-қимыл жөніндегі шаралар жүйесін тиімді іске асыру, сыбайлас жемқорлық тәуекелдеріне ішкі талдау жүргізуді қамтамасыз ету, комплаенс-тәуекелдердің және сыбайлас жемқорлық тәуекелдерінің алдын алуды, уақтылы анықтауды, бағалауды және басқаруды қамтамасыз ету, олар туралы ақпаратты студенттерге жеткізу жөнінде түсіндіру жұмыстары жүргізілді.