"Қазақстанның демократиялық және құқықтық мемлекет ретіндегі конституциялық дамуы"

АҚПАРАТТЫҚ ХАТ

ҚҰРМЕТТІ ӘРІПТЕСТЕР!

Әл-Фараби атындағы Қазақ ұлттық университеті Сізді 2024 жылғы 22 қазанда сағат 10.00-де Республика күніне орай және ҚР ҰҒА академигі, заң ғылымдарының докторы, профессор Сұлтан Сартайұлы Сартаевты еске алуға арналған «Қазақстанның демократиялық және құқықтық мемлекет ретіндегі конституциялық дамуы» тақырыбындағы халықаралық ғылыми-тәжірибелік конференцияға қатысуға шақырады. Конференция әл-Фараби атындағы Қазақ ұлттық университетінің 90 жылдығын мерекелеу аясында өткізіледі.
Бұл конференция БҰҰ-ның Тұрақты даму мақсаты үшін бейбіт, ашық және демократиялық қоғам құруға бағытталған орнықты даму мақсаттарын жүзеге асыру шеңберінде өткізіледі.
Конференция қазақстандық қоғамның тұрақты дамуын, Қазақстан Республикасының конституциялық негіздерін дамытуға, мемлекеттік басқарудың тиімді жүйесін құруға баға жетпес үлес қосқан ҚР ҰҒА академигі Сұлтан Сартайұлы Сартаевты еске алуға арналған.
Конференцияның мақсаты - Қазақстанның демократиялық, құқықтық, зайырлы және әлеуметтік мемлекет ретіндегі конституциялық дамуының өзекті мәселелерін қарастыру.
Конференция ұйымдастырушылары:
Әл-Фараби атындағы Қазақ ұлттық университеті; заң факультетінің мемлекет және құқық теориясы мен тарихы, конституциялық және әкімшілік құқық кафедрасы.
Конференцияда келесі мәселелерді қарау жоспарлануда:
•    Қазіргі жағдайдағы Қазақстанның Конституциялық дамуы: теория мен практика мәселелері
•     Академик С.С. Сартаевтың Қазақстан Республикасының егеменді мемлекет туралы идеялары 
•     Мемлекет басшысының жаһандық кеңістікте Қазақстанның бейбіт дамуын қамтамасыз етуге бағытталған жаңа құқықтық бастамалары.
 Конференцияға Қазақстан мен шет елдердің жетекші ғалымдары, ҚР мемлекеттік органдарының өкілдері, халықаралық және ұлттық сарапшылар, азаматтық қоғам, құқық қорғау ұйымдарының өкілдері, ЖОО оқытушылары мен студенттері, БАҚ өкілдері қатысады.
Конференцияның жұмыс тілдері: қазақ, орыс және ағылшын.
Өтетін орны: Алматы қ., әл-Фараби даңғылы 71, Кітапхана, 409 аудитория, сағат 10.00  
Координаторлар: Усеинова К.Р., Ибраева А.С., Абдыкадыр У.Б.
тел. +7-778-199-99-95
эл. пошта: ulan.abdykadyr@kaznu.edu.kz, ibraeva_tgp@mail.ru  
Өткізу форматы: Гибридті формат (онлайн-офлайн).
ZOOM конференциясына қосылу үшін сілтеме:     https://us02web.zoom.us/j/81286462959?pwd=DJZR6vIHgiWbGObdUJo3Wa4Z4CZNQL.1
Конференция идентификаторы: 812 8646 2959
Кіру коды: 380756
    

ҚҰРМЕТПЕН, ҰЙЫМДАСТЫРУ КОМИТЕТІ!