ТДМ-4: «Діни экстремизм мен терроризмнің алдын алу» тақырыбында дәріс өтті

Университетіміздің Философия және саясаттану факультеті студенттері үшін 26 қыркүйек күні «Діни экстремизм мен терроризмнің алдын алу» тақырыбында дәріс өтті. Студенттерге Дінтану жəне мəдениеттану кафедрасының аға оқытушысы PhD доктор, дінтанушы Тунгатова Улжан Аскарбаевна дәріс оқыды. Дәрісте жастар арасында діни экстремизм мен терроризмнің таралуы жайлы студенттерге кең түрде түсіндіру жұмыстары жүргізілді. Сонымен қатар қазіргі Діни ағымдардың қоғамға тигізетін кері  әсері,  әлемде болып жатқан террористік әрекеттердің зардаптары туралы ой түю мен жастардың діни ой-санасының дұрыс қалыптасуы үшін маңызды ақпараттар айтылды.

Аталған дәріске қатысушы студенттер өздерін ойландырған сұрақтарды қойып, нақты жуап алды. Діни экстремизим мен терроризмнің алдын алуға байланысты өткен бұл дәріс студенттер үшін пайдалы әрі тың ақпараттарға толы болды.