География, жерге орналастыру және кадастр кафедрасының 4 курс «6В05205 – География» мамандығының студенттері «Қарттарым асыл қазынам» тақырыбында куратор сағатын өткізді.
Куратор сағатында ортамызда жүрген қарияларымыздың бірі, ардагер ұстаз Темірбеков Аман Тәжіұлы мен зейнеткер ұстазымыз Ақашева Әтіргүл Сапарбекқызын шақырып еліміздің білім, ғылым саласына, халқымыздың, келешек ұрпақ тәрбиесі үшін жасаған игі істері ерекше орын алатыны айтылып, студенттер атынан алғыс айтылды.
Қазіргі кезде біздің мемлекетімізде қарттарға үлкен мән беріп, көңіл аударып, жан-жақты үкімет тарапынан қамқорлық жасалуда. Қазақстанның өсіп-өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз. Олардың өмір жолдары бүгінгі ұрпаққа табылмас қазына. Кафедрадағы қарттарды еске алып, еңбектеріне тоқталып, жастарға үлгі ретінде көрсетілді.
Куратор сағатының соңында ардагер ұстазымыз, профессор Темірбеков Аман Тәжіұлы мен зейнеткер ұстазымыз доцент Ақашева Әтіргүл Сапрбекқызы студенттерге өздерінің ұлағатты сөздері мен естеліктерін айтып берді және еліміздің болашағы жастарға игі тілектерін жеткізді. Куратор сағатының соңында эдвайзер Мылқайдаров Әлім Төлекұлы атсалысқан студенттер мен қонақтарға рахмет айта отырып, үлкенге ізет, кішіге құрмет көрсете отырып, жастарымызды қарттарымызды қадірлеп, үлгі өнегелі істерін насихаттап жүруге шақырды.
Басқа жаңалықтар
