Аға оқытушылар Меруерт Қыдырхановна мен Жанболат Төлендіулының 17-ші халықаралық жағалау симпозиумына қатысуы (ICS2024)

Механика-математика факультетінің Механика кафедрасының аға оқытушылары Бейсембекова Меруерт Қыдырхановна мен Лязат Жанболат Төлендіулы 24-27 қыркүйек аралығында Катардың Доха қаласында өткен "International Coastal Symposium (ICS2024)" 17-ші Халықаралық симпозиумына қатысты. Бұл беделді іс-шара жағалаудағы зерттеулердің өзекті мәселелерін және олардың қоршаған ортаға әсерін талқылау үшін әлемнің түкпір-түкпірінен жетекші ғалымдар мен мамандарды жинады. Біздің оқытушыларымыз ТМД елдерінің жалғыз өкілдері болғанын мақтан тұтамыз

Симпозиумда Меруерт Қыдырхановна мен Жанболат Төлендіулы үш күн бойы  ҚР ҒЖБМ Ғылым комитетінің (№AP14871838 гранты) қаржылық қолдауымен іске асырылған "Балқаш көлінің толқындық климатын альтиметриялық деректерді пайдалана отырып зерттеу" ғылыми жұмысының нәтижелерін көрсете отырып, постерлік презентация ұсынды.

Аға оқытушылар Меруерт Қыдырханқызы мен Жанболат Тулендіұлының 17-ші Халықаралық жағалау симпозиумына (ICS2024) қатысуы ТДМ 13: Климаттың өзгеруімен күрес мақсатында маңызды екенін көрсетеді. Жағалау зерттеулерінің өзекті мәселелерін талқылау және олардың қоршаған ортаға әсері климаттық өзгерістермен күресуде басты аспект болып табылады. Симпозиумда ұсынылған зерттеулер, мысалы, толқын климатын түсінуге көмектесіп, экожүйелерге әсерін бағалауға мүмкіндік береді, бұл климаттық өзгерістерге бейімделудің тиімді стратегияларын әзірлеуге септігін тигізеді.

Сонымен қатар, бұл іс-шара ТДМ 17: Мақсаттарға жетуде серіктестік мақсатында да айқын мысал болып табылады. Халықаралық симпозиум әлемнің жетекші ғалымдары мен мамандарын жинап, білім мен тәжірибе алмасуға арналған платформа құрды. Түрлі елдер мен ғылыми мекемелер арасындағы мұндай ынтымақтастық тұрақты дамуды және климаттың өзгеруі мен қоршаған ортаны қорғауға қатысты жаһандық мәселелерді шешуді жүзеге асыру үшін маңызды.

Жерді қашықтықтан зондтаудың (ЖҚЗ) дамуы бүкіл әлемде қарқынды дамып келеді және бұл симпозиум оның әлемдік ғылыми қоғамдастық үшін маңыздылығының жарқын мысалы болды. Біз "Ғарыштық техника және технологиялар" мамандығының барлық студенттерін ғылыми зерттеулерге белсенді қатысуға шақырамыз, өйткені бұл технологиялардың артында болашақ жатыр!

Меруерт Қыдырхановна
Механика кафедрасының аға оқытушысы