ҚЫТАЙТАНУ КАФЕДРАСЫ «ТҰРАҚТЫ ДАМУ ҮШІН СЕРІКТЕСТІК» ТДМ АЯСЫНДА ҚХР СОЛТҮСТІК БАТЫС ПОЛИТЕХНИКАЛЫҚ УНИВЕРСИТЕТІ БАСШЫЛЫҒЫМЕН КЕЗДЕСТІ

2024 жылдың 18 қазан күні Қытайдың Солтүстік-Батыс политехникалық университеті жанындағы Шет тілдер институты деканының орынбасары Ма Ин мен осы институттың доценты Цзян Сюехуа ханымдар шығыстану факультетіне арнайы сапармен келді. Қытайдың Сиань қаласынан келген қонақтарды шығыстану факультеті деканының орынбасары Сая Болатханқызы, 0ытайтану кафедрасының меңгерушісі Керімбаев Ержан, кафедра меңгерушісінің ғылыми-инновациялық қызмет және халықаралық байланыстар жөніндегі орынбасары Қойбақова Айжан және кафедраның белді ғалымы Дәулет Фатимабибі күтіп алды. Кездесу барысында екі оқу орыны түрлі бағыттағы қарым-қатынас пен серіктестікті дамытуды сөз қылды. Атап айтқанда, екі жақты студент алмасу, оқытушылардың біліктілігін арттыру, жазғы және қысқы мектептер өткізу, бірлескен ғылыми жобалар жасау, ғалымдардың бірлесіп сапалы жарияланымдар шығаруы сияқты мәселелер талқыланды. Екі мекеменің өкілдері болашақта осы айтылған мәселелерді жүзеге асыру үшін қажетті механизмдерді іске қосуға күш салатындықтарына дайындықтарын білдірді. Көтерілген мәселелер қызу талқыланған келіссөз достық пен іскерлік атмосферасында өтті.